Plantun de Prouvènço

Pèr coumpara dos planto d'encò nostre

Ranunculus sceleratus & Moneses uniflora

Ranouncle(-di-fueio-d'àpi)

Ranunculus sceleratus

Ranunculaceae

Àutri noum : Renouncle, Jaunoun.

Nom en français : Renoncule scélérate.

Descripcioun :
Planto annalo que pau faire mai de 50 cm d'aut, de canau e di relarg umide. Si cambo soun bèn drecho e si fueio lusènto ; douno de pichòti flour jauno emé de gros carpello que fan uno gibo sus le dessubre. Li fueio soun de dos meno diferènto ; aquésti d'en bas soun un pau roundo e dounon d'èr à-n-aquéli de l'àpi, au contro de li d'en aut que soun coumpausado de tres partido lineàri.

Usanço :
Aquéu ranouncle, coume proun, es uno planto empouisounanto. Brulo la pèu e avisas-vous de lou pas manja qu'èi forço marrit pèr lou vèntre e li ren. Parèis que de lou manja fai veni un sourrire embefia.

Port : Erbo
Taio : 10 à 100 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Ranunculus
Famiho : Ranunculaceae

Ordre : Ranunculales

Coulour de la flour : Jauno
Petalo : 5
Ø (o loungour) flour : 0,6 à 0,8 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Remarco :
Abriéu à setèmbre

Liò : Palun - Ribiero
Estànci : Mesoumediterran à Coulinen
Couroulougi : Bourealo
Ref. sc. : Ranunculus sceleratus L., 1753

Pirolo(-à-uno-flour)

Moneses uniflora

Ericaceae

Nom en français : Pirole à une fleur.

Descripcioun :
Aquelo pirolo trachis en coulounìo souto li pin e li sapiniero de mountagno. Li fueio, basalo, soun un pau roundo, entiero e dentado em'un long pecou, rèston dóu tèms de l'ivèr. Coume soun noum lou dis, fai uno souleto flour, aquelo èi plato e sènt qu'embaumo. Coumpara emé li pirolo di gènre Orthilia e Pyrola.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 10 cm
Fueio : basalo
Tipe bioulougico : Camefite
Cicle bioulougico : Planto renadivo

Gènre : Moneses
Famiho : Ericaceae

Ordre : Ericales

Coulour de la flour : Blanco
Petalo : 4
Ø (o loungour) flour : 1,5 à 2 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à juliet

Liò : Pinedo - Sapiniero
Estànci : Subremediterran à Subaupen
Couroulougi : Bourealo
Ref. sc. : Moneses uniflora (L.) A.Gray, 1848

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ranunculus sceleratus & Moneses uniflora

ges

RRR

ges

Coumpara Ranouncle(-di-fueio-d'àpi) emé uno autro planto

Coumpara Pirolo(-à-uno-flour) emé uno autro planto